廿二歲的生日續

去年生日正日，去了城大學生會和教院合辨的聖誕舞會，過了一個很無聊的生日

今年這個生日很特別，特別在幾乎不像生日，睡到下午四時醒，之後去教補習
補完習和阿堅，Nardo去了花園餐廳鋸扒。

老朋友聚舊，再加上我和堅仔的生日，理應喜氣洋洋才對，但這個小聚會，氣氛卻略為顯得有點沉重。三個大學生，三個麻甩仔，三個年青人，討厭自己的Major，不敢對未來有憧憬，對未知感到恐懼.......

困惑，是對未來有所憂慮，不知應該是否繼續走這條路。
無奈，是不知要走那一條路，所以唯有走一條自己不想走的路。

我感受到的，是無奈。
阿堅想做一個電影人，拍拍片，搞創作。
Nardo，我記得他說過想學廚。
我自己？

我也不知道。
我喜歡彈結他，我幻想自己可以做創作型歌手。
我喜歡寫日記，喜歡看九把刀的書，我幻想自己可以做作家。
我對數學有興趣，我幻想自己可以數學老師和精算師。
我很貪心，想法隨時變，就連自己想做些什麼，真正喜歡什麼，什麼是我應該作為奮鬥起點的東西我也不知道。

究竟，我應該朝那一個方向走好呢？

廿二歲的生日

其實我真的不想長大，直到現在廿二歲，還是很抗拒自己是二字頭。
回望自己廿二年的日子，的確很糟糕，從來都沒過得認真過，學業和人際都很糟糕，真的很糟糕。

我很想念妳，妳知道嗎？
和妳再次聊天，我的心都在砰砰嘭嘭在跳
當妳說妳也很想我，那一刻，我真的很感動，很溫暖，好像有天使在我頭上飛過
彷彿又回到那些年，每天我們一起透過電話聊彼此間的趣事
有時無無聊聊，有時哈哈大笑，有時發白日夢........

在妳之後，我喜歡過兩個女孩，但唯有妳才可以令我有這種感覺
妳一言一語都可以影響我，妳說一句話我可以開心一整天，妳需要我的話，我可以為妳赴湯蹈火.......

妳說我們是一起成長的，不過我真的不想成長，我很幼稚，我只想我們的時間可以停留在妳中一至中五的階段。有人說，成長就是得到一些，也失去一些，我不想失去妳，有了妳我什麼都不想要。

大二了，就算我們分開了幾年，但我扔然很想妳，我還是當妳是我的女神，尋尋覓覓，在我心裏面，最喜歡的仍然是妳。只有妳最了解我，只有妳最疼我，只有妳最令我心動。

我好眼訓,但係而家唔打,我唔會再有mood打

今朝8點幾訓,11點幾比老豆同肥盈既嘈交聲叫醒左
肥盈講既係事實,呢個屋企冇老豆老母教,冇秩序,冇溫情
咩都冇,除左血緣,大家仲有d咩聯繫?

我都唔知可以用咩黎形容我既心情,一個我細佬,一個我細妹
兩個輪流屌到個老豆飛起,喊苦喊忽,怨天怨地,冇人教,靠自己,好辛苦
親生老豆,大大聲屌佢係道友,屌佢搞到頭散,狠狠地屌,屌到好似癲撚左

時間有時緩和唔到痛楚,同埋一個人衰起上黎,身邊既人其實係可以唔理佢既死活,反而將自己既不幸加諸係佢身上........唔知點解,所有野都歸咎於果個"倒霉鬼"

脾氣差,怨人冇教過佢;成績差,怨人冇鼓勵過佢.......
將自身既缺憾全部都歸咎於"冇人教"

其實我見番我自己,以前既自己,一個好憤世嫉俗既阿哥
其實如果要怨"冇人教",不如怨我係一個"壞榜樣"

對著呢個屋企,我係好無能為力,但係我都唔想再逃避
我地好需要溝通同諒解
更加重要既係,過左去既就讓它隨風而逝吧~

呢個世界總會有人條件比我們更差,但仍然很努力去珍惜自己所擁有的,去掙脫過去的束縛,去開創自己的道路

讓自己發光吧.........
不要活在陰暗的角落..........

頹

我都唔知自己想點,咩都唔想做,咩都唔想理
唔想出街,唔想溫書,唔想理人
大概係因為讀極都唔識吧,都唔知自己讀緊咩,感覺好無能為力

數計極都錯,PROGRAM諗極都諗唔到,其他科好多野背
仲有一堆無聊至極既功課,呀!!!!!!!!!!!!!!自己做我又唔識做,抄比你我又覺得好無聊!!!!!!!!!
我咩都唔想做呀!!!!!!!!!!!!!!!!!
好撚煩呀!!!!!!!!
仲有半個月考試,但係我好多野都唔識呀屌你老母,仲要有一大堆功課,仆街啦!!!!!!!!!!!!!
我淨係想爆粗喳屌你!!!!!!!!

大學YEAR2 VS 中五

日記搬家了,我終於都捨棄用左差唔多七年既XANGA,其實有D唔捨得,但因為XANGA功能太廢
我決定比錢升PREMIUM BACKUP哂以前寫既日記,然後就SHUT DOWN佢

睇返以前既日記,都幾令我回心微笑

以前既自己,經常打D無謂野上XANGA,打機執到寶好似真係執到錢咁
諗返起自己之前執到IPHONE4都冇果陣咁開心

以前同FD出街,都會寫得好仔細,有咩人出,做左D咩,而家自己出街,好多時都唔會點寫返

以前寫自己感受,都係得短短幾句,有種"為賦新辭強說愁"既感覺,反而而家自己寫自己既感受,可以寫到好多野出黎,唔知係以前既日子無憂無慮定係我人生經歷多左呢?

睇返以前,睇返而家
我想同以前既自己講,你真係好PURE好TRUE,不過太懦弱,太封閉,太頹廢!!!
仲有就係好懶!!!你好怕孤獨,真既,雖然你成日都好似覺得自己唔去識人,活係自己既世界都冇問題,但係你好在意人地點睇你,最起碼,你好在意彭彭點睇你
你好容易就滿足,好容易就開心,呢個係你既優點

不過我都想同而家既自己講,你都仲係咁,冇咩長進~

大學YEAR2 VS 中五
我反而欣賞中五既自己多D

廢柴

總覺得自己文筆愈來愈差,人愈來懶,以前可以日日都寫日記,咩都寫下,而家咩都懶

開左xanga出黎,又打打下唔想打..........嗯,都係唔講咁多廢話



最近成日都唔知自己做咩,成日諗好多野

諗下將來會做d咩,不過諗黎諗去都冇結果

想做d野哄下人開心,但係又會冇左件事

想學返結他,但係屋企掃左兩野就放番底

想讀好書做好功課,但係坐坐下圖書館就訓著左

想睇多d書,充實下自己,但係睇睇下又變左上網

想修補番一d人際關係,但係又唔敢踏出第一步



勇氣,決心,熱血...........你們去了哪裡?



再講d無謂野先,尋日上左hall six飲酒

飲飲下jason問,如果阿cow而家狗衝你,你會唔會上?

我諗都冇諗,我就答係

之後佢打電話比阿cow,開頭我以為佢只係玩下,點知真係打左=.=

吹左勁耐水........



期間我只係扲著個枕頭扮咩都聽唔到.............

超廢的

衝?

今日同阿堅出去吹水,都FEEL到佢幾唔開心
迷惘,大概是每個人都經歷過既階段

特別是大學生吧~?
會考我們目標很清楚,衝上預科!!!
預科我們目標更清楚,衝上大學!!!
衝衝衝!!!

中途有想過放棄,但總會有人在身邊說大學的生活有多美好,有多精彩,有多自由
總會有戰友在大家身邊互相激勵,拍拍膊頭,然後重新上路
那些年,我們總有清淅的目標

好,目標終於都達到了,但我們不約而同地對"大學"這個地方迷惘
短短三年,它可以決定你以後幾十年人生的方向
短短三年,你要在這裡打造你人生的藍圖
很珍貴的三年,我們都明白,大家都明白,未入過U既都明白
但身為"大學生"既我地對點善用呢三年總係一頭霧水

我未入U之前,有諗過做老師,教數學,HEA下HEA下就咁過左呢一世
但入左U之後,又覺得自己唔係咁適合做
阿堅未入U之前諗著做公務員,又係想好似我咁HEA下HEA咁過左呢一世
好喇,佢而家終於搵到佢既興趣,就係做導演拍片,但係偏偏入左POLY ACC

辛苦上到黎,但係又唔甘心HEA下HEA下咁一世,但係又唔知自己條路應該點行
選擇很多,迷惘是必然吧?

錢途VS興趣VS時間
唔想枯燥無味地重覆別人已經重覆過既人生,但係又想三餐溫飽,衣食無憂仲可以有時間去做我地自己鐘意做既野
仲想做D只有你自己先做好既野
我地就係想發夢,我地就係想有一個與別不同的人生

我們總是以為自己有很多時間,很多青春,不斷不斷地揮霍
但眨一眨眼,原來我們的大學生活已經過了一半
當年一班麻甩仔,今日已經變左做一班麻甩佬,兩隻手指夾著一枝煙,遙望著漆黑的天空,稀虛的吐了一口烏氣
但願我地不再迷惘
但願我地能有勇氣去改變
原來我們人生中最後的一個暑假,已經過去

思考是負累?愈想愈無謂?

不知由何時開始,我有一個想法:

人生充斥著不間斷的問題,有時你不斷地想,不斷地求助,問題都沒有缺口

唉,光是問題本身已經夠困擾了,與其去思考解決方法,再倍增自己負擔,不如逃避好了

逃避不是解決問題的方法,但是習以為常就好了

很傻吧?



思考是負累,愈想愈無謂

我也不記得在裡看過這句說話,只是覺得很配合我的想法,很酷呀!

於是就銘記於心,當成是我自己其中一個座右銘,每當我不如意的時侯,想起這句話,我就會做其他事,分散自己注意力,不讓自己多想一會兒,為左避免自己鑽牛角尖,一點空間我都不想給我自己



現在回想起,這是我其中一個好習慣,煩惱總不會困著我太久,因為我總是比別人少幾億條神經線

這個習慣令我避開很多煩惱,但也讓我愈來愈冇腦,真既!真係愈來愈冇腦!我自己寫到呢到都笑左!

但老實講,過去一年,我先至發覺識諗野係好重要,可以避開好多不必要既麻煩

真係唔開心既話,大喊一場就好了,呼天叫地的大喊一場!駛唔駛搞咁多野黎分散自己注意力?



天下本無事,煩惱皆自尋

其實人生唔係充斥著好多問題,停一停,諗一諗,好多問題其實根本唔係問題

太多時侯,人遇上了問題總是思考怎樣去解決它,卻忽略了考慮"這個問題究竟是不是一個問題?"

唔知點講好,只係突然諗返起少少野,只要自己肯用一用下個腦,好多野都可以做得好好



係時侯,要用下個腦,停一停,諗一諗........

諗下將來

諗下自己既價值觀

諗下人地點睇自己



諗諗下,我係應該避免自己鑽牛角尖,而唔係避免自己思考

由一個盲點走出來,有一種難以形容既喜悅