感覺真係好差，好似好耐都未開心過咁，成日諗野，成日都覺得自己一無所有
親情，友情，愛情，學業，冇一樣野我有
以前就算屋企點四分五裂都好，我都可以同細佬妹傾到兩句，但係經歷左咁多次嗌交打交，我直情係覺得呢頭家係散左，我唔想再返去，有人同冇人都係冇別，我只係對著部電腦同四面牆，空空蕩蕩，唔想返去聽是非，唔想再理佢地。
朋友一直都係我人生入面佔好重地位，但係中學既朋友各自有自己既路要行，大學既朋友總係隔左一道牆咁，睇起上黎好ＦＤ但係實際上冇咩交流，莊員就更加.......算把啦，話不投機。
愛情同學業，哈哈，本來都係從來都沒有
好辛苦，我唔想覺得自己一無所有，但係總係揮之不去
成日都覺得做咩都冇意思，冇人會理我，冇人需要我，冇人值得我為佢奮鬥
迷失得好緊要，好想去扲返屬於我自己既野，好想得到幸福，好想不再迷惘
好想大哭一場
