一定要寫返d開心野鼓勵下自己

點解要咁做呢?

其實因為睇返自己2012年寫過既野，其實都幾灰機，所以真係要寫返d positive既野黎中和下
冇理由開心既就開心完就算，然後咩都唔記得，唔開心既就寫低佢，第時睇返都係d唔開心既野。咁樣做其實都幾違背我寫日記既初衷。

第一樣最令我開心既係我同我細佬終於都有返野講，佢亦都唔再只係沉醉在自己的世界。
佢都會打機，但係已經唔算沉迷，不過佢轉左養蝦，係屋企擺左好多個缸養蝦。其實我覺得養小動物呢個嗜好幾好，可以培養到責任感。同埋最重要既係學識珍惜生命，保護d蝦唔好死，將呢種感覺擴闊到其他人，由小擴大，推己及人。同埋佢開始會為自己既前途打算，真係走去溫書預備公開試同埋去搵工，有心唔怕遲既......

講真，睇佢頹左咁多年，而家終於都似番個人，做大佬既真係幾安慰，係真係會好開心

有一樣真係要講，就係過左咁多年同心誠既死黨都仲keep到聯絡，呢樣真係好不可思議。
有時當我地飲酒講將來講事業講女，我覺得我地既人生其實已相連，或者係不久既將來，我地都會有自己既道路，我地會分道揚鑣，但係總會再聚埋一齊飲酒繼續講將來講事業講女。
其實我好珍惜呢段友誼，呢段友誼我覺得係真係會last到一世，我覺得就算我真係上刀山落油鍋都會有呢班仆街陪著！雖然有時我係有d仆街，又唔聽電話又唔應機，但係我堅當你地係兄弟！

朋友，從來都係令人熱血

其實仲有好多野想打，但礙於眼訓關係，打多樣我就放自己收工
話說呢，入到大學次後我既gpa從來都未過3，但係上個sem我終於都過3喇!!!!
3.21呀大佬!!!!
估唔到真係過3呀!!!!我上個sem仲要住hall，讀書既時間比sem a其實用少左，但係成績就好左，真係爽到飛起!!!!!希望下個sem keep得著!!!!btw,雖然過3，但係仲未追到second low~~~

其實呢年都有唔少開心既野，不過總係會懶落筆去寫低佢
忙，其實都有少少，但係又唔係忙到冇時間寫下野自娛，希望之後唔好咁懶啦!!!!!

What am I doing?

讀到第三年大學，真係真係真係唔知自己做咩
其實唔係第一次有既問題，但係我真係唔知點解決

唔知點解上左莊，做FRESHMAN果陣因為玩OCAMP好開心，所以舊年就學人搞OCAMP，學人做組爸，到完哂所有野，又覺得自己冇玩過大O一定會後悔，今年又死左去做大O組爸。平時都係得過且過，讀書讀到成PAT屎咁，一諗起出年GRAD，張CV真係唔知點寫就覺得自己ON99生勾勾。

出到去見工可以講咩呢?
同老細講：我玩過好多OCAMP，做過營長，識得好多課本以外既知識？
IN我條友一定會當我係ON9，但係我又可以點？

玩大O之前既心態係我覺得呢個係人生最後一個暑假，所以我想搏盡佢，真係唔好比自己後悔
但係當我入左之後，所有野都同我諗既好唔同，一諗係第時畢業，而家見到其他同學為左第時畢業，我覺得自己而家真係係到哂緊時間，會真係想quit，因為真係唔知自己做緊咩，我唔識平衡house同組既事務，兩樣我都參與唔多，同其他組爸媽唔熟，組員之間好似都唔會擦出火花，相處再多都唔會熟。

總括黎講，開心溫暖既時間好少，但係迷惑慒懂既時好多

其實可能心態已經開始由一個freshman過渡緊去freshgrad，對於ocamp開始冇感覺，不過唔捱都捱到黎呢步，我會捱埋佢，搏盡佢，燃燒埋最後呢個暑假！！！

然後繼續思考往後的道路........