我好鐘意會自彈自唱，作曲填詞，全部都一手包辦既女歌手。
台灣的陳綺貞和蔡建雅我都很喜歡，但最近我迷上了張懸。她的聲線很特別，有些沙啞，好似患有感冒，我第一首接觸她的歌是＂寶貝＂，因為有一個Hall友想彈，於是我係彈指之間搵到呢首歌既譜，之後去youtube睇mv，一聽真係不得了，唱得很活潑，又很溫暖，那種感覺很像聽陳綺貞的歌。
但係真正令我上癮既係＂關於我愛你＂，＂去揮霍和珍惜是同一件事情＂呢句歌詞唔知點解刻左係我個腦到，首歌雖然係一首情歌，但令我聯想既唔只係愛情，仲有人生
有種莫名其妙既共鳴，成首歌好灑脫咁唱出你鐘意既人未必會鐘意你，相戀既未必會繼續走下去，現在擁有的都只是幸運，係你一無所有之前好好珍惜
但係就只有最後簡單而直接的三個字－我愛你，無論係幾深刻既領會同覺悟都阻止唔到我愛你，就算我地唔可以係埋一齊，就算我地已經分開左，就算我地彼此傷害過
可能，其實張懸冇我諗得咁有深度，所有野都好似叮噹大結局咁，叮噹係大雄FF出黎
上面既體會都係我FF出黎，所有野都係我過份解讀，但係張懸真係搞到我聽上癮
神的遊戲呢隻碟我超鐘意聽！
艷火，藍天白雲，玫瑰色的你係必聽推介！
值得一提既係張懸係艷火個MV面拍得好正，我超鐘意個MV！
