呢幾日真係好似傻傻地，瘋狂咁打機
明明超多野等緊我去解決
呢幾日見到老俊真係的起心肝溫書，其實都幾安慰
但內心都係好矛盾，矛盾在於我覺得佢今年既DSE應該都係死路一條
又浪費一年既時間
讀唔讀到書其實對我黎講真係唔重要，問題係讀唔成書又成廿幾歲人唔知自己既定位係咩
唔鐘意讀書咪出去做野，搵自己既事業興趣定位，咩都好啦
但係又唔做，淨係識打機，諗到咁樣，其實我真係好撚想屌尻佢究竟做咩尻
最灰既係自己都唔想讀，冇興趣，又冇勇氣出去試，然後又報公開試，扲讀書做擋箭牌
一年又一年，屌唔係未屌過，傾又唔係未傾過，想點呀？
想扲過Full cert合格又幾難，講左就去做啦
留係呢個屋企真係好燥好灰好無奈，真係衰D講句，個個都成碌撚咁.........
當然都包括我在內.........我呢幾日都瘋狂咁打機
唉..........我真係好唔想返黎住
寧願一個人靜靜地對著四面牆都好過對著三個識行識走既"牆"
一個人對著四面牆我起碼叫自由，一個人對著三個識行識走既"牆"
我覺得好大壓力，有個好重既包袱
