愈來愈少寫日記，其實不是愈來愈忙
而是生活愈來愈無聊，愈來愈公式化
每天返工放工，放工回家上網睇電視
有時去做下健身彈下結他
好無聊
一個人的時間愈長，感到的不是自由自在，反而是空虛寂寞
成日都會諗起以前讀書既生活，果陣就真係自由自在多姿多彩
好想約返以前既朋友食飯吹水聚一聚，我亦都有做到
我好享受聚埋一齊既時間，其實做乜都冇所謂，只要係聚埋一齊就可以
但係每次熱鬧完，返到屋企，有時真係更加空虛
呢種感受唔係第一次發生，發生無數咁多次
但始終都係揮之不去
好想返去以前
好想有人可以走入我既世界
