Priority就係有d人同事對你黎講係重要,有d人同事對你黎講係唔重要
尋晚我都仲以為自己係重要,見妳會問我今日幾點到澳門,問我幾點見好
但係到今日,妳覆都唔覆我,問妳一句先答一句
最後,當然我地冇見到面
如果我既priority係排到咁後,妳大可以一句唔得閒就算數,我都唔會窮追猛打一定要見妳
我本身聽到妳約左人我都唔抱有期望,但係妳又要講盡量抽時間
有期望先會有失望,冇期望就唔會有失望
睇完賽車,望下個電話,只係得我一個傻仔send message, send相,全部都係已讀不回
行行下只係得一句無關痛癢既回覆
係呀,好撚凍呀,我都好撚凍
我仲好撚心淡,要就一句,唔要就一句,但係妳只係話盡量
我問等唔等妳好,妳只係話睇緣份
講咩緣份丫,所有野都係priority
重要既野你會出盡辨法去挽留,唔重要既就由佢走
我係妳心目中既priority,其實我自己都心裡有數
但係見妳尋晚搵我,我以為會有驚喜
當然,最後只係我一廂情願,當現實擺在眼前,本來都預左會唔見,個人都係好難去抑制失望,委屈,唔開心既感覺
我又認真左喇,好無謂
賽車係好睇,但係今日個感覺好差
我肯行前一步咁又點,妳只會向後縮兩步避開我
我只可以同自己講,唔好咁認真,唔好咁上心
我只係一個過客,可有可無,唔係太重要
