時過境遷

時過境遷，半年有多，但係我仲放唔低一個人
試過識其他人，試其他事，報潛水報學車，為左識多點，有多點興趣
試過溝第二個，去旅行，約食飯睇戲行山，送花
試過去嫖去滾，食唔同既女
但係我都係分心唔到，會諗返佢
唱ｋ自己係到喊，揼骨自己係到喊，食煙自己係到喊，去旅行睇佢有冇上線

所有野都好似為做而做咁，唔係發自內心去做，只係為左分心，放低佢
做完好冇滿足感，好冇意義，好似仲空虛左，愈會諗起佢

諗起佢約我去旅行，但係最後冇去到
諗起我想送花比佢，但係最後冇送到
諗起好多野，有愛，又有恨

當然，所有野都係我一廂情願，對佢黎講，應該好快就放低左我
或者唔應該講放低，因為根本就冇拎起過

呢個係我可憐但係又抵死既地方
我真心左，但係佢根本冇所謂
我真心左，但係我咩都冇做到

我仲係好掛著佢，我想同佢講，不如我地從頭黎過
我好想知到佢既近況

算啦，我都係發洩
夠鐘死心架喇，放低啦，放過人都放過自己啦

應該好好愛惜自己，照顧好自己
我覺得我好厭惡自己，覺得自己做咩都係錯，唔配幸福呢兩個字